Finlandiya terma jamoasi o‘zining Yevropa chempionatlari tarixidagi ilk uchrashuvida g‘alaba qozondi.
Finlandiya terma jamoasi kutilmaganda Daniyaga qarshi Kopengagenda o‘tkazilgan bahsda g‘alabani qo‘lga kiritdi.
Bahsning 42-daqiqasida sodir bo‘lgan Kristian Eriksen bilan bog‘liq holat butun futbol ahlini tashvishga solganidan xabaringiz bor.
Daniya birinchi bo‘limda o‘yinda hukmronlik qildi, lekin finlarning posboni Lukash Gradeski Yonas Vinn va Per-Emil Hoybergning xavfli xarbalarini bartaraf etdi.
Tanaffusga oz vaqt qolganida Eriksenga tibbiy yordam ko‘rsatilganidan keyin to‘xtatildi. Kristianning shifoxonada holati barqarorlashganidan so‘ng ikkala jamoa o‘yinchilari iltimosiga binoan UEFA o‘yinni davom ettirishga rozilik bildirdi.
Finlandiya ikkinchi bo‘lim boshida oldinga o‘tdi va Uronenning uzatmasidan keyin Poxyanpalo boshi bilan zarba berib hisobni ochdi.
Mezbonlar hisobni tenglashtirishlari mumkin edi, ammo Hoybergning penaltidan yo‘llagan zarbasini Gradetski bartaraf etdi.
O‘yinning asosiy statistikasi
— Poxyanpaloning goli Finlandiya terma jamoasining Yevro musobaqalaridagi il goli bo‘ldi.
— Finlandiya saralashni ham hisobga olganda Yevropa chempionatlari doirasida qatorasiga 10 o‘yindan beri gol urib kelmoqda.
— Daniya Yevrodagi oxirgi 11 o‘yinda bor-yo‘g‘i ikki marta g‘alaba qozongan va 7 marotaba mag‘lub bo‘lgan.
— Mezbonlar 12 o‘yinda ilk bor gol ura olishmadi.
— Daniya guruh bosqichining so‘nggi 6 ochilish o‘yinida ikki gol kiritgan.
Daniya – Finlandiya 0:1 (0:0, 0:1)
12 iyun, 21.00, «Parken»
Gol: 0:1 – 59 Poxyanpalo.
Daniya – Shmeyxel, Vass (Larsen, 75), Kyer (Vestergor, 63), Kristensen, Mele, Eriksen (Yensen, 43), Hoybyerg, Dileyni (Kornelius, 76), Poulsen, Vind (Olsen, 63), Breytueyt.
Finlandiya – Gradeski, Raytala (Vyaysyanen, 90), Toyvio, Arayuuri, O`SHonessi, Uronen, Lud, Sparv (Shyuller, 76), Kamara, Poxyanpalo (Forss, 84), Pukki (Kauko, 76).
Ogohlantirishlar: Lud (4), Sparv (51).
