«Kristal Pelas» ushbu yozda «Yuventus» himoyachisi Radu Dragushinni sotib olmoqchi.
Bu haqda Italiya matbuoti xabar beradi. Futbolchi shu yilning aprel oyida Turin klubi bilan 2025 yil iyungacha hisoblangan yangi shartnoma imzolagandi.
«Yuventus» ruminiyalik futbolchini ijaraga olishga qarshi emas. Biroq, Dragushinning o‘zi Turinda qolish haqida o‘ylamoqda. U «byankoneri»ning asosiy tarkibidan joy olishga harakat qilmoqchi.
Transfermarkt 19 yoshli ruminiyalikni atigi 3 million yevroga baholamoqda.