«Кристал Пелас» ушбу ёзда «Ювентус» ҳимоячиси Раду Драгушинни сотиб олмоқчи.
Бу ҳақда Италия матбуоти хабар беради. Футболчи шу йилнинг апрель ойида Турин клуби билан 2025 йил июнгача ҳисобланган янги шартнома имзолаганди.
«Ювентус» руминиялик футболчини ижарага олишга қарши эмас. Бироқ, Драгушиннинг ўзи Туринда қолиш ҳақида ўйламоқда. У «бьянконери»нинг асосий таркибидан жой олишга ҳаракат қилмоқчи.
Transfermarkt 19 ёшли руминияликни атиги 3 миллион еврога баҳоламоқда.













