Superligada projektor bo‘yicha talablarni o‘z vaqtida bajarmagan 4 klub bor edi. Ular orasidan hozircha faqatgina Qo‘qon-1912 Philips kompaniyasi bilan kelishuvga erishdi. Reja bo‘yicha avgust oyidan boshlab Qo‘qon shahridagi o‘yinlarni ham kech soatlarda o‘tkazish imkoniyati vujudga keladi.
Mash’al 11-turni projektor bo‘yicha talabni o‘z vaqtida bajargan Turon maydonida o‘tkazadi. Ammo II davradan boshlab klubga boshqa bunday imkoniyat berilmaydi va Muborak klubi to projektorini yaxshilamaguniga qadar, avgust oyidagi uchrashuvlarini neytral maydonda o‘tkazadi. 2022 yildan boshlab esa boshqa fasllarda ham yaxshi projektori yo‘q stadionlarda Superliga o‘yinlari o‘tkazilmaydi.
11-turni Surxon va Andijon klublari qaysi stadionda o‘tkazishi tez orada aniq bo‘ladi. Shu temp davom etsa, Andijon ham 2022 yilgacha projektorini talab darajasiga keltira oladi, klub shu vaqtga qadar ham stadionda katta ta’mirlash ishlarini amalga oshira oldi. Surxon masalasida esa yaxshisi indamay qo‘ya qolamiz. Talab hamma uchun bir ekanini klub rahbari yaxshi biladi.
