Bugun Osiyo mintaqasida JCH-2022 saralashining 2-bosqichiga yakun yasaladi. Bir nechta guruhlarda so‘nggi tur uchrashuvlari yakunlandi. O‘zbekiston terma jamoasi Saudiya Arabistoniga qarshi kechayotgan bahsning birinchi bo‘limidan so‘ng hisobda ortda bormoqda (0:2).
Abramov shogirdlari keyingi bosqich yo‘llanmasini qo‘lga kiritishi uchun bugun kamida durang natija qayd etishi kerak. Shunda jamoamiz 2-o‘rinni egallagan jamoalar orasida 5-pog‘onani egallaydi va uchinchi bosqich yo‘llanmasini qo‘lga kiritadi.
Tabiiyki, termamiz g‘alaba qozonsa, "D" guruhi g‘olibiga aylanadi. Mag‘lubiyat esa bizni muddatidan avval JCH-2022 yo‘llanmasi uchun kurashdan chiqarib yuboradi.
Darvoqe, bugun mag‘lub bo‘lsak ham 3-bosqichga chiqish uchun imkoniyat mavjud. Buning uchun parallel ravishda kechayotgan Falastin-YAman bahsida yamanliklar 13ta to‘p farqi bilan g‘alaba qozonishi shart. Shunda "D" guruhida Falastin eng so‘nggi pog‘onani egallaydi. Shunda O‘zbekiston 2-o‘rinni egallagan jamoalar orasida 12 ochko bilan keyingi bosqichga yo‘l oladi. Ammo narigi bahsning birinchi bo‘limidan so‘ng Falastin 2:0 hisobida oldinda bormoqda.
Shu bois, ikkinchi bo‘limda Saudiya darvozasiga kamida 2ta gol urib, durangga erishishimiz shart!
