Бугун Осиё минтақасида ЖЧ-2022 саралашининг 2-босқичига якун ясалади. Бир нечта гуруҳларда сўнгги тур учрашувлари якунланди. Ўзбекистон терма жамоаси Саудия Арабистонига қарши кечаётган баҳснинг биринчи бўлимидан сўнг ҳисобда ортда бормоқда (0:2).

Абрамов шогирдлари кейинги босқич йўлланмасини қўлга киритиши учун бугун камида дуранг натижа қайд этиши керак. Шунда жамоамиз 2-ўринни эгаллаган жамоалар орасида 5-поғонани эгаллайди ва учинчи босқич йўлланмасини қўлга киритади.

Табиийки, термамиз ғалаба қозонса, "D" гуруҳи ғолибига айланади. Мағлубият эса бизни муддатидан аввал ЖЧ-2022 йўлланмаси учун курашдан чиқариб юборади.

Дарвоқе, бугун мағлуб бўлсак ҳам 3-босқичга чиқиш учун имконият мавжуд. Бунинг учун параллел равишда кечаётган Фаластин-Яман баҳсида яманликлар 13та тўп фарқи билан ғалаба қозониши шарт. Шунда "D" гуруҳида Фаластин энг сўнгги поғонани эгаллайди. Шунда Ўзбекистон 2-ўринни эгаллаган жамоалар орасида 12 очко билан кейинги босқичга йўл олади. Аммо нариги баҳснинг биринчи бўлимидан сўнг Фаластин 2:0 ҳисобида олдинда бормоқда.

Шу боис, иккинчи бўлимда Саудия дарвозасига камида 2та гол уриб, дурангга эришишимиз шарт!