Yarimhimoyachi Kevin De Bryuyne Belgiya terma jamoasiga kelasi bahslarda yordam berishga tayyor. Bu haqda "qizil iblislar" bosh murabbiyi Roberto Martines ma’lum qildi.
«De Bryuyne bilan hamma narsa oddiy: u sog‘lom va o‘ynashga tayyor. U endi maydonda istaganicha vaqt sarflashi mumkin. Uning tiklanish jarayonidan mamnunman.
Xuddi shu narsa Aksel Viselga ham tegishli. Keyingi ikki uchrashuvga optimal tarkib bilan yaqinlashmoqchimiz" - deya ta’kidladi Martines.
Bugun belgiyaliklar Daniya terma jamoasi bilan o‘ynaydi. Uchrashuv Toshkent vaqti bilan soat 21:00da boshlanadi.
