Яримҳимоячи Кевин Де Брюйне Бельгия терма жамоасига келаси баҳсларда ёрдам беришга тайёр. Бу ҳақда "қизил иблицлар" бош мураббийи Роберто Мартинес маълум қилди.
«Де Брюйне билан ҳамма нарса оддий: у соғлом ва ўйнашга тайёр. У энди майдонда истаганича вақт сарфлаши мумкин. Унинг тикланиш жараёнидан мамнунман.
Худди шу нарса Аксел Вицелга ҳам тегишли. Кейинги икки учрашувга оптимал таркиб билан яқинлашмоқчимиз" - дея таъкидлади Мартинес.
Бугун бельгияликлар Дания терма жамоаси билан ўйнайди. Учрашув Тошкент вақти билан соат 21:00да бошланади.
