"Ayntraxt"ning portugaliyalik hujumchisi Andre Silvaga Angliya va Ispaniya klublari qiziqish bildirmoqda. Bu haqda jurnalist Nikolo Skira o‘zining tvitter sahifasiida xabar bermoqda. Manbaning xabariga ko‘ra, futbolchi haqida ma’lumotni "Manchester Yunayted", "Arsenal", "Tottenxem" va "Atletiko" so‘ragan.

Hujumchi ushbu yozda Germaniya jamoasini tark etishi mumkin. Yakunlangan mavsumda Andre Silva Frankfurtning Ayntraxt jamoasida 34 uchrashuv o‘tkazib, 29 ta gol va 10 ta golli uzatmani amalga oshirdi. Transfermarkt internet-portali futbolchining qiymatini 45 million yevroga baholamoqda.