Pro liga 12-turi doirasida «Dinamo» jamoasi Nukusda «Aral Samali» klubi mehmoni bo‘ldi.

Nukusdagi sun’iy qoplamali maydonda «Aral Samali» va «Dinamo» o‘rtasida kechgan o‘yinda maydon egalari g‘alaba qozonishdi. Qo‘pol xatolar jamoaga qimmatga tushdi. Obid Jo‘raboyevning bitta goli hisobni qisqartirdi, xolos – 2:1.

Natijada «Olimpik» 23 ochko bilan 1-o‘ringa borayotgan bo‘lsa, «Neftchi» 22 ochko bilan 2-o‘rinda, «Buxoro» esa 20 ochko bilan 3-o‘rinda qoldi. 4-o‘rindagi «Dinamo» hisobida 18, 6-pog‘onadagi «Aral Samali»da esa 13 ochko mavjud.

«Dinamo» jamoasi bungacha ketma-ket 3 turda «Buxoro», «Olimpik» va «Yangiyer» klublarini mag‘lub etgan edi va ushbu g‘alabali seriyasi buzildi.

Pro liga. 12-tur
19 iyun (shanba)
«Aral Samali» - «Dinamo» - 2:1
Bosh hakam: Shuhrat Rajabov
Gollar: Rasul Musayev 28, Nodijon Nurmatov 45 - Obid Jo‘raboyev 74.
«Aral Samali»: Ulug‘bek Bekbosinov, Rasul Musayev, Damir Nizanov, Miras Karlibayev, Navro‘z Alimov, Albert Sidikov, Islom Seytnazarov, Nodirjon Nurmatov, Norxon Sheripov, Erbol Seytnazarov, Azamat Allaniyozov.
«Dinamo»: Aslonbek Ahrorov, Muhammadqodir Hamraliyev, Dmitro Sidorenko, Komil Sharofutdinov, G‘olib Sariboyev, Obid Jo‘raboyev, Temur Ismoilov, Sardor Eminov, Shoxruh Abdurahmonov, Timur Hakimov (Islom Sharipov, 55), Timur Usmonov (Siroj Meliyev, 55).