Insayder Fabrisio Romano "Roma" hozirda ikkita xarid ustida ishlamoqda. Klub "Arsenal" bilan Granit Jaka transferi bo‘yicha muzokaralar olib boradi. "Vulverxemton" darvozaboni Rui Patrisio ham bitimga yaqin turibdi. "Bo‘rilar" go‘yoki unga allaqachon o‘rinbosar tanlashgan.
Patrisio "Roma"ga ketsa, "Olimpiakos" darvozaboni Xose Sa ingliz klubiga keladi. Ma’lumot uchun, Patrisio Portugaliya terma jamoasining asosiy darvozaboni hisoblanadi. O‘tgan mavsumda "Roma"da darvozabon pozisiyasi o‘ta beqaror bo‘lib, butun mavsum davomida birdan uchta ijrochi ishlatilgan: Lopes, Mirante va Fusato.
