Corriere dello Sport nashrining xabariga ko‘ra, «Roma» yarimhimoyachisi Genrix Mxitaryan va jamoa yangi bosh murabbiyi Joze Mourinyo o‘rtasidagi mojaroga barham berilgan.

Iyun oyi boshida Mxitaryan rimliklar bilan shartnomasini bir yilga uzaytirgandi. Undan jamoada qolishini aynan Mourinyo iltimos qilgani aytilmoqda. Yaqin orada futbolchi va murabbiy o‘zaro suhbatlashib olishdi va hazil bilan o‘tmishdagi voqealarni muhokama qilishdi.

Eslatib o‘tamiz, 2018 yil yanvar oyida «Manchester Yunayted»da Mourinyo bilan kelishmovchiliklar tufayli armanistonlik «Arsenal»ga yo‘l olgan edi.