Angliya terma jamoasi yarim himoyachisi Jordan Henderson Germaniyaga qarshi kechadigan 1/8 final o‘yini haqida o‘z fikrlari bilan o‘rtoqlashdi.
"Bizda yosh jamoa bor va bu ijobiy rol o‘ynashi mumkin. Ko‘pchilik maydonga chiqadi va shunchaki o‘yindan zavq oladi, qo‘rqmasdan o‘ynaydi. Bu bizga seshanba kuni kerak bo‘lgan narsa. Biz Germaniyani hurmat qilamiz. Bu hali ham eng yaxshi futbolchilarga ega top jamoa, shuning uchun bizga oson bo‘maydi.
Bunday raqibga qarshi to‘pni yo‘qotmaslik va himoyada ishonchli o‘ynash juda muhim. Ularda Kroos kabi futbolchilar bor, agar siz unga vaqt va joy ajratib qo‘ysangiz, ko‘p muammolarni tug‘dirishi mumkin", - deydi Henderson.
