Англия терма жамоаси ярим ҳимоячиси Жордан Ҳендерсон Германияга қарши кечадиган 1/8 финал ўйини ҳақида ўз фикрлари билан ўртоқлашди.

"Бизда ёш жамоа бор ва бу ижобий рол ўйнаши мумкин. Кўпчилик майдонга чиқади ва шунчаки ўйиндан завқ олади, қўрқмасдан ўйнайди. Бу бизга сешанба куни керак бўлган нарса. Биз Германияни ҳурмат қиламиз. Бу ҳали ҳам энг яхши футболчиларга эга топ жамоа, шунинг учун бизга осон бўмайди.

Бундай рақибга қарши тўпни йўқотмаслик ва ҳимояда ишончли ўйнаш жуда муҳим. Уларда Кроос каби футболчилар бор, агар сиз унга вақт ва жой ажратиб қўйсангиз, кўп муаммоларни туғдириши мумкин", - дейди Ҳендерсон.