Italiyalik murabbiy Fabio Kapello Angliyaning Yevropa chempionatidagi natijalari haqida gapirdi.
"Jamoa juda ixcham, himoya va yarim himoyada ehtiyotkor. Ularning standartlari qotil, oldinda juda tezkor futbolchilar bor. Ularga katta hurmat bilan qarash kerak. O‘ylashimcha, Sautgeyt to‘p raqib qo‘lida bo‘lganida orqaga qaytish natija bermasligini tushundi. Endi markaz to‘pni qabul qilgan hujumchiga hujum qilmoqda. Darvozabon Pikford esa oyoqlari bilan yaxshi o‘ynaydi - bu yana bir qurol. Hozir inglizlar to‘pni darhol ta’qib qilishmoqda. Ular Gvardiola qilayotgan ishlardan eng yaxshisini olishdi", - deydi Kapello.
Eslatib o‘tamiz, Yevro-2020 yarim finalida Angliya terma jamoasi Daniya termasi bilan o‘ynaydi. O‘yin 7-iyul kuni Toshkent vaqti bilan soat 00:00da bo‘lib o‘tadi.
