Yevropa chempionatining yarim finalida Italiya terma jamoasi Ispaniyani penaltilar seriyasida mag‘lub etib, final yo‘llanmasini qo‘lga kiritdi.

Faktlar:

* Italiyaliklar 2012 yildan beri ilk marta Yevropa chempionati finaliga chiqishdi. Bu Italiya tarixidagi to‘rtinchi final. 1968 yilda «Skuadra Adzurra» Yevroda zafar quchgan, 2000 va 2012 yillarda esa finalda yutqazgan.

* Roberto Manchini jamoasi mag‘lubiyatsiz seriyasini 33 uchrashuvga yetkazdi va mamlakat rekordini yangiladi. Oldingi rekord 1935-1939 yillarda o‘rnatilgan va o‘shanda Italiya Vittorio Posso qo‘l ostida ketma-ket 30 uchrashuvda mag‘lub bo‘lmagandi. Jahon rekordigacha esa 2ta uchrashuv qoldi. Ispaniya terma jamoasi 2007-2009 yillar oralig‘ida 35 uchrashuvda mag‘lub bo‘lmagan, Braziliya ham 35 uchrashuvda, faqat bunga ancha bo‘lgan - 1993-1996 yillar oralig‘ida.

* Italiya yarim himoyachisi Federiko Kyeza uchrashuvda gol urdi. Italiyaliklar uchun ushbu gol joriy Yevrodagi 12-si bo‘ldi. Shunday qilib, Italiya yirik turnirlarda gollar bo‘yicha rekordini takrorladi. Ilgari «Skuadra Adzurra» faqat JCHlarda - 1934, 1982 va 2006 yillarda 12ta gol urgan. Yevroda esa bu birinchi marta kuzatilyapti.

* Bu italiyalik himoyachi Leonardo Bonuchchi uchun Yevropa chempionatlaridagi 17-o‘yin. U ushbu ko‘rsatkich bo‘yicha Janluiji Buffonga yetib olib milliy rekordni takrorladi.

* Ispanlar «pley-off»da uchinchi marta qo‘shimcha vaqt o‘tkazishdi. Ilgari Yevro-2016da buni faqat Portugaliya amalga oshira olgandi. +o‘shimcha vaqtda Ispaniya Xorvatiyani mag‘lub etdi (5:3), keyin penaltilar seriyasida Shveysariya ham mahv etilgandi.

* Ispaniya yarim himoyachisi Pedri birinchi bo‘limda yaxshi o‘ynadi. «Barselona» futbolchisi 31ta pasdan hammasini aniq amalga oshirdi. Shulardan 22tasi raqib maydoni tarafida bajarilgani esa tahsinga loyiq ko‘rsatkich. U ikkinchi bo‘limda yana 21ta pasni amalga oshirdi. Bu esa futbolchilarning 100 foiz aniqlikdagi uzatmalari soni bo‘yicha Yevrodagi eng yaxshi ko‘rsatkichdir.

* Ispaniya hujumchisi Alvaro Morata gol urdi. Uning uchun ushbu gol Yevropa chempionatlaridagi 6-si bo‘ldi. Shu tariqa, u Yevroda 5ta gol urgan Fernando Torresning rekordini yangiladi.

* Ispanlar himoyachisi Jordi Alba o‘zining Yevropa chempionatidagi 16-o‘yinini o‘tkazdi. Endi u Ispaniya terma jamoasining ushbu ko‘rsatkich bo‘yicha rekordini Andres Inyesta va Sesk Fabregas bilan baham ko‘rmoqda, ularning har biri Yevrolarda 16 martadan maydonga tushishgan.