Portugaliyaning «Sporting» klubi futbolchi transferida kelishilgan shartni buzganlik uchun Italiyaning «Inter» klubidan 30 million yevro mablag‘ talab qilmoqda. Bu haqda «Sporting» klubi rasmiy sayti xabar berdi.
Klub 2016 yilda portugaliyalik Joau Marioni «Inter»ga transfer qilgandi. Shartnoma shartida italyan klubi futbolchini Portugaliyaning biron-bir klubiga sotsa, qo‘shimcha 30 million yevro to‘lashi kerakligi ko‘rsatilgan.
2021 yilning 13 iyul kuni portugaliyalik 28 yoshli futbolchining «Inter» bilan shartnomasi yakunlandi. Milan shahri klubi Marioni Portugaliyaning boshqa bir klubi «Benfika»ga transfer qildi. Bu orqali «Inter» «Sporting» bilan imzolangan shartnoma talabini buzdi.
«Sporting» klubi rahbariyati mazkur holat shundoqligicha qolmasligini, milanliklar to‘lab berishi kerak bo‘lgan 30 million yevro miqdordagi mablag‘ni tegishli organlar orqali undirib olishini bildirgan.
