Myunxenning «Bavariya» klubi «Barselona»ga uchta himoyachi transferi bo‘yicha taklif bilan chiqqan.

Gap shundaki, bu ro‘yxatda Serjinyo Dest, Emerson va Serxi Roberto nomzodlari mavjud. Mundo Deportivo xabariga ko‘ra myunxenliklar asosan 20 yoshli Destga qiziqish bildirgan.

«Bavariya» ayni paytda o‘ng qanot himoyachisi qidirmoqda va amerikalikni ushbu pozisiyaga  o‘ylab ko‘radi. Shu bilan birga, yuqoridagi ro‘yxatda sanalganlardan barcha 3 futbolchi ham «Barselonada» qolishni istamoqda.

Ma’lumot uchun, o‘tgan mavsumda Dest barcha musobaqalar doirasida «ko‘k anorranglilar» tarkibida 44 uchrashuv o‘tkazib, 3 gol urdi hamda 1 ta golli pas berdi. Uning Kataloniya klubi bilan shartnomasi 2025 yil yozigacha mo‘ljallangan.