Мюнхеннинг «Бавария» клуби «Барселона»га учта ҳимоячи трансфери бўйича таклиф билан чиққан.
Гап шундаки, бу рўйхатда Сержиньо Дест, Эмерсон ва Серхи Роберто номзодлари мавжуд. Mundo Deportivo хабарига кўра мюнхенликлар асосан 20 ёшли Дестга қизиқиш билдирган.
«Бавария» айни пайтда ўнг қанот ҳимоячиси қидирмоқда ва америкаликни ушбу позицияга ўйлаб кўради. Шу билан бирга, юқоридаги рўйхатда саналганлардан барча 3 футболчи ҳам «Барселонада» қолишни истамоқда.
Маълумот учун, ўтган мавсумда Дест барча мусобақалар доирасида «кўк анорранглилар» таркибида 44 учрашув ўтказиб, 3 гол урди ҳамда 1 та голли пас берди. Унинг Каталония клуби билан шартномаси 2025 йил ёзигача мўлжалланган.
