«Manchester Yunayted» vise-prezidenti Ed Vudvord bosh murabbiy Ole Gunnar Sulsher bilan yangi shartnoma imzolanganiga izoh berdi.
"Ole va uning yordamchilari maydonda uzoq muddatli muvaffaqiyatlarga poydevor qo‘yish uchun tinimsiz ishladilar. Buning natijalari so‘nggi ikki mavsumda tobora ko‘zga tashlanib bormoqda va biz barchamiz kelgusi yillarda ushbu jamoani yanada rivojlantirishni orzu qilamiz.
Ayniqsa, quvonarli tomoni shundaki, bu yutuq «Manchester Yunayted»ning eng yaxshi an’analariga ko‘ra hujumkor futbol o‘ynaydigan yosh, shu yerda o‘sgan iqtidorlar va yuqori darajadagi futbolchilarning birlashishi orqali amalga oshirildi. Biz Ole boshchiligida to‘g‘ri yo‘nalishda borayotganimizga har qachongidan ham ko‘proq ishonamiz.
