«Манчестер Юнайтед» вице-президенти Эд Вудворд бош мураббий Оле Гуннар Сульшер билан янги шартнома имзоланганига изоҳ берди.

"Оле ва унинг ёрдамчилари майдонда узоқ муддатли муваффақиятларга пойдевор қўйиш учун тинимсиз ишладилар. Бунинг натижалари сўнгги икки мавсумда тобора кўзга ташланиб бормоқда ва биз барчамиз келгуси йилларда ушбу жамоани янада ривожлантиришни орзу қиламиз.

Айниқса, қувонарли томони шундаки, бу ютуқ «Манчестер Юнайтед»нинг энг яхши анъаналарига кўра ҳужумкор футбол ўйнайдиган ёш, шу ерда ўсган иқтидорлар ва юқори даражадаги футболчиларнинг бирлашиши орқали амалга оширилди. Биз Оле бошчилигида тўғри йўналишда бораётганимизга ҳар қачонгидан ҳам кўпроқ ишонамиз.