«Napoli»ning nemis yarimhimoyachisi Diyego Demme jarohati sabab mavsumning qolgan qismini o‘tkazib yuborishi mumkin.
Sky Sports xabariga ko‘ra, futbolchi "Pro Verchelli" bilan o‘rtoqlik uchrashuvida (1:0) tizzasidan jarohat olgan. Diyegoga tizzaning xoch to‘qimalari yorilishi tashxisi qo‘yilgan. Uning jarohati tufayli olti oygacha maydonga tusha olmasligi kutilmoqda.
O‘tgan mavsumda 29 yoshli Demme «Napoli» tarkibida barcha turnirlar doirasida 35 uchrashuv o‘tkazdi va uchta gol urib, to‘rtta golli pas berdi.
