Tokioda bo‘lib o‘tayotgan Olimpiada bahslari taqvimi Xonsyu oroliga yaqinlashib kelayotgan tayfun munosabati bilan o‘zgartirilishi mumkin. Biroq tashkilotchilar buni rejalashtirmayapti.
«Vaziyat qaltis, to‘g‘ri. Biroq hozirda seshanba kuni bo‘lib o‘tadigan musobaqa jadvalini o‘zgartirish rejamiz yo‘q», deydi Tokio-2020 vakili Masa Takaya jurnalistlarga bergan intervyusida.
Avvalroq, tayfun tufayli eshkak eshish va kamondan o‘q otish musobaqalari qoldirilgan edi. Bo‘ronning Tokioning shimolidan o‘tishi taxmin qilinmoqda.
