Toshkentning «Paxtakor» klubi matbuot xizmatini xabar berishicha, yaqin kunlarda «sherlar» Serbiyaning «Partizan» klubi futbolchisi Boyan Matichni o‘z safiga qo‘shib olmoqchi. Manbada aytilishicha, futbolchi bir necha kundan keyin Toshkentga keladi va klub bilan shartnoma imzolashi mumkin.
Ma’lumot o‘rnida: Matich Serbiyaning «Senta», «Zemun» Janubiy Koreaning «Seul» klublarida to‘p surgan. Ayni paytda futbolchi «Partizan» jamoasi futbolchisi, biroq serb klubi o‘tgan mavsum futbolchini Gresiyaning «Atromitos» jamoasiga ijaraga bergan.
O‘ynagan jamoalari: Boyan «Seul» safida bir mavsum davomida to‘p surib, 9ta uchrashuvda maydonga tushgan va 1 marta o‘zhisobiga gol yozdirib qo‘ygan. «Partizan» safida esa 18 uchrashuvda maydonda harakat qilib, 3 marta gol urishga erishgan. Matich oxirgi klubi «Atromitos» klubida 17 bahsda maydonga tushib, birorta ham samarali harakat ko‘rsatmagan.
Erishgan yutuqlari: 2017/18 yilda Serbiya Superliasida zafar quchgan, shuningdek mazkur chempionatda bir necha bor oy futbolchisi sifatida e’tirof etilgan.
