Тошкентнинг «Пахтакор» клуби матбуот хизматини хабар беришича, яқин кунларда «шерлар» Сербиянинг «Партизан» клуби футболчиси Боян Матични ўз сафига қўшиб олмоқчи. Манбада айтилишича, футболчи бир неча кундан кейин Тошкентга келади ва клуб билан шартнома имзолаши мумкин.

Маълумот ўрнида: Матич Сербиянинг «Сента», «Земун» Жанубий Кореанинг «Сеул» клубларида тўп сурган. Айни пайтда футболчи «Партизан» жамоаси футболчиси, бироқ серб клуби ўтган мавсум футболчини Грециянинг «Атромитос» жамоасига ижарага берган.

Ўйнаган жамоалари: Боян «Сеул» сафида бир мавсум давомида тўп суриб, 9та учрашувда майдонга тушган ва 1 марта ўзҳисобига гол ёздириб қўйган. «Партизан» сафида эса 18 учрашувда майдонда ҳаракат қилиб, 3 марта гол уришга эришган. Матич охирги клуби «Атромитос» клубида 17 баҳсда майдонга тушиб, бирорта ҳам самарали ҳаракат кўрсатмаган.

Эришган ютуқлари: 2017/18 йилда Сербия Суперлиасида зафар қучган, шунингдек мазкур чемпионатда бир неча бор ой футболчиси сифатида эътироф этилган.