«Aston Villa» klubi «Bayer» yarimhimoyachisi Leon Beyli bilan shaxsiy shartlarni kelishib oldi. «Football Insider»ning xabar qilishicha, nemis klubi o‘z futbolchisini 35 million funtga baholagan.
Bu klubning «Norvich»dan xarid qilgan Emi Buendia narxidan ham birmuncha baland. Birmingemliklar ustozi Din Smit ushbu transferni amalga oshishida katta ta’sirga ega.
Ma’lumot uchun, Beyli «Bayer»ga 2017 yilda kelib qo‘shilgandan buyon 156 ta bahsda maydonga tushib, 65 ta golga mualliflik qilgan. Avvalroq Beyli xaridiga «Arsenal» qiziqayotgani haqida ma’lum qilingan edi.
