«Астон Вилла» клуби «Байер» яримҳимоячиси Леон Бейли билан шахсий шартларни келишиб олди. «Football Insider»нинг хабар қилишича, немис клуби ўз футболчисини 35 миллион фунтга баҳолаган.

Бу клубнинг «Норвич»дан харид қилган Эми Буэндиа нархидан ҳам бирмунча баланд. Бирмингемликлар устози Дин Смит ушбу трансферни амалга ошишида катта таъсирга эга.

Маълумот учун, Бейли «Байер»га 2017 йилда келиб қўшилгандан буён 156 та баҳсда майдонга тушиб, 65 та голга муаллифлик қилган. Аввалроқ Бейли харидига «Арсенал» қизиқаётгани ҳақида маълум қилинган эди.