Londonning "Chelsi" klubi "Sevilya" himoyachisi Jyul Kundening transferidan voz
kechmoqchi emas.

Jurnalist Fabrisio Romanoning so‘zlariga ko‘ra, "Chelsi" hozirda "Sevilya" bilan murosaga erishish ustida ishlamoqda va tez orada fransuz himoyachisini sotib olmoqchi.

Manbaga ko‘ra, futbolchining shaxsiy shartnomasi allaqachon kelishilgan, biroq ispan klubi Kundening shartnomasida tovon puli sifatida ko‘rsatilgan 80 million yevrodan
kamiga qo‘yib yubormoqchi emas.

Eslatib o‘tamiz, Jyul o‘tgan mavsum La ligada 34 uchrashuvda maydonga tushib, 2 gol urishni uddalagan.