«Arsenal» klubi bosh murabbiyi Mikel Arteta jamoa yarimhimoyachisi Tomas Partining jarohati haqida ma’lumot berdi. Ganalik o‘yinchi kecha «Chelsi» bilan bo‘lgan o‘rtoqlik uchrashuvining birinchi bo‘limida Loftus-CHik bilan to‘qnashuvda jarohat olgan.

Arteta: «Men hozirgina doktor bilan gaplashdim. U ertaga jarohatning jiddiylik darajasini tekshiradigan bo‘ldi. Lekin hozir Parti o‘zini yomon his qilmoqda. Tez orada uning muammosi ma’lum qilinadi», — deydi matbuot anjumanida.

Xabarga ko‘ra, jarohat to‘piqdan olingan va bu tufayli o‘yinchi olti haftagacha safdan chiqish ehtimoli bor. Parti APLdagi birinchi mavsumini ham katta qismini jarohat tufayli o‘tkazib yuborgan edi. U o‘tgan mavsum 18 ta o‘yinda maydonga tushgan, xolos.