«Арсенал» клуби бош мураббийи Микел Артета жамоа яримҳимоячиси Томас Партининг жароҳати ҳақида маълумот берди. Ганалик ўйинчи кеча «Челси» билан бўлган ўртоқлик учрашувининг биринчи бўлимида Лофтус-Чик билан тўқнашувда жароҳат олган.
Артета: «Мен ҳозиргина доктор билан гаплашдим. У эртага жароҳатнинг жиддийлик даражасини текширадиган бўлди. Лекин ҳозир Парти ўзини ёмон ҳис қилмоқда. Тез орада унинг муаммоси маълум қилинади», — дейди матбуот анжуманида.
Хабарга кўра, жароҳат тўпиқдан олинган ва бу туфайли ўйинчи олти ҳафтагача сафдан чиқиш эҳтимоли бор. Парти АПЛдаги биринчи мавсумини ҳам катта қисмини жароҳат туфайли ўтказиб юборган эди. У ўтган мавсум 18 та ўйинда майдонга тушган, холос.
