«Udineze» «Chelsi»ning albaniyalik hujumchisi Armando Broyaga qiziqish bildirmoqda. Bu haqda jurnalist Fabrisio Romano xabar beradi.

Manbaga ko‘ra, italyan klubi futbolchini bir mavsumga ijaraga olish niyatida. «Chelsi» Armandoni ijaraga berishga rozi bo‘lishi mumkin, chunki forvardning asosiy tarkibga kirishi uchun hali imkon yo‘q.

19 yoshli Broya o‘tgan mavsum «Vitess»da ijarada o‘ynagan. Gollandiya klubi uchun u 34 ta o‘yinda maydonga tushib, 11 ta gol urdi va 3 ta golli uzatmani amalga oshirdi. Uning «Chelsi» bilan shartnomasi 2026 yilning yozigacha amal qiladi.