«Удинезе» «Челси»нинг албаниялик ҳужумчиси Армандо Брояга қизиқиш билдирмоқда. Бу ҳақда журналист Фабрицио Романо хабар беради.
Манбага кўра, итальян клуби футболчини бир мавсумга ижарага олиш ниятида. «Челси» Армандони ижарага беришга рози бўлиши мумкин, чунки форварднинг асосий таркибга кириши учун ҳали имкон йўқ.
19 ёшли Броя ўтган мавсум «Витесс»да ижарада ўйнаган. Голландия клуби учун у 34 та ўйинда майдонга тушиб, 11 та гол урди ва 3 та голли узатмани амалга оширди. Унинг «Челси» билан шартномаси 2026 йилнинг ёзигача амал қилади.