Yunon-rum kurashchimiz Rustam Assakalov (-87 kg) Tokio-2020 Olimpiadasining ilk bosqichida gruziyalik jahon chempioni Lasha Gabodzeni yengib, chorak finalda xorvatiyalik Ivan Xuklekka yutqazib qo‘ygan edi.
Ivan yarim finalda ukrainalik Jan Belenyukka yutqazib qo‘ydi. Natijada Assakalov bronza medal uchun kurashish imkoniyatidan mahrum bo‘ldi.
Shu tariqa, yunon-rum kurashchilarimiz Tokio olimpiadasida birorta medalni qo‘lga kirita olishmadi. Erkin kurashchilarimiz esa 5 avgust sanasidan bahslarga kirishishadi. Unda 4 nafar atlet yurtimiz sharafini himoya qiladi.