«Atalanta» tezda argentinalik himoyachi Kristian Romeroga o‘rinbosar izlashga tushib ketgan. 

U «Tottenxem» futbolchisiga aylangach, bergamoliklar «Yuventus» bilan turkiyalik himoyachi Merix Demiral transferi bo‘yicha muzokaralarga kirishmoqda.

Qayd etilishicha, «Atalanta» Merixni keyinchalik sotib olish sharti bilan ijaraga olmoqchi. Bitimning umumiy summasi taxminan 30 million yevroni tashkil etishi kutilyapti.

Ma’lumot uchun, o‘tgan mavsumda Demiral A Seriyada «byankonerilar» safida 15 ta o‘yinda maydonga tushib, bitta golli uzatmani amalga oshirgan.