Football Italianing xabar berishicha, «Inter» muxlislari 28 yoshli belgiyalik hujumchi Romelu Lukakuning sotilishi mumkinligi haqidagi xabarlardan noroziligini bildirish uchun qat’iy choralar ko‘rishga qaror qilishgan.
Kecha, 5-avgust kuni klub idorasi oldida «Inter» prezidenti harakatiga qarshi yozilgan banner paydo bo‘ldi: «Chjan vaqting tugadi».
«Inter» muxlislari klub direktorlari Juzeppe Marotta va Pyero Auzilio ular bilan ekaniga aminlar va ular ham milanliklarning transfer ishidan norozi.
La Gazzetta dello Sportning xabar berishicha, Marotta ham, Auzilio ham Lukaku sotilsa, norozilik sifatida iste’foga ketishlarini bildirishgan.
