"Atalanta" yarim himoyachisi Yosip Ilichich "Milan"ga o‘tishga yaqin turibdi, deb xabar beradi Football Italia nashri.
Ma’lum qilinishicha, "Atalanta" Ilichichni "Milan"ga keyinchalik sotib olish sharti bilan ijaraga bermoqchi. Avvalroq, sloveniyalik futbolchi "Milan" klubiga o‘tishni istayotganini bildirgandi, biroq tomonlar transfer summasi borasida kelisha olishmadi, chunki milanliklar atigi 3,5 million yevro taklif qilishgan. Biroq, hozirda Bergamo jamoasi futbolchi bilan xayrlashishga tayyor.
Eslatib o‘tamiz, Iliichich 2017 yilda "Fiorentina"dan 6,4 million yevro evaziga ko‘chib o‘tib, "Atalanta" futbolchisiga aylangan edi. Bu vaqt ichida u 149 ta o‘yin o‘tkazdi va 56 ta gol urdi va 39 ta golli uzatmani amalga oshirdi.
