«Liverpul» bosh murabbiyi Yurgen Klopp jamoa futbolchisi Endryu Robertson klubga omad olib kelishini aytdi. Shotlandiya terma jamoasi a’zosi «Atletik» bilan bahsda to‘pig‘idan jarohatlandi.
Shu sabab APLning dastlabki haftalarini o‘tkazib yuborishi mumkin. Klopp futbolchi haqida:
«O‘ylaymanki, biz Endryu kabi futbolchi tarkibimizda borligi uchun omadliroqmiz. Uni jarohat olishi esa bizni qattiq tashvishga soladi. U xalqaro tanaffusdan keyin yoki undan oldin jamoaga qaytishiga umid qilamiz», — deya fikr bildirib o‘tdi.
Robertson o‘z sahifasida jarohati unchalik jiddiy emasligini bildirgan bo‘lsa ham unga bir necha hafta davolanish tafsiya qilingan.
