Angliya chempionati 1-turida azaliy raqiblar - MYU va «Lids» klublari o‘zaro to‘qnashishadi.
Mazkur bahs haqida qiziqarli ma’lumotlar bilan tanishtirib o‘tamiz.
Bilasizmi?
"Manchester Yunayted" va "Lids Yunayted" Angliya chempionati birinchi o‘yinida 1970/71 yilgi mavsumdan beri ilk bor to‘qnash kelishmoqda. 49 yil oldin "Old Trafford"da o‘tgan bahsda «Lids» 1:0 hisobida g‘alaba qozongan edi.
MYU oxirgi 5 mavsumda APLning birinchi uchrashuvlarida o‘z futbolchilari hisobni ochishga muvaffaq bo‘lishgan - Zlatan Ibrahimovich (2016/17), Romelu Lukaku (2017/18), Lyuk Shou (2018/19), Daniyel Jeyms (2019/20) va Donni van de Bek (2020/21).
«Lids» 2001 yildan beri ilk marta ligada ketma-ket 5-o‘yinda g‘alaba qozonishi mumkin. Jamoa o‘tgan mavsumni qatorasiga 4 g‘alaba bilan yakunlagan edi.
«Lids» 1981 yil fevral oyidan beri "Old Trafford"da bo‘lgan "Manchester Yunayted"ga qarshi 16 uchrashuvda g‘alabasiz seriya qayd etib kelmoqda - 6 durang, 10 mag‘lubiyat. Ular boshqa stadionlarga (13) qaraganda aynan "Old Trafford"da g‘alabasiz eng ko‘p APL o‘yinlarini o‘tkazishgan.
Bahs rasmiylari
Bosh hakam: Pol Tirni
Qanot hakamlari: Konstantin Hatzidakis, Nil Deyvis
Zaxira hakami: Entoni Teylor
VAR: Kris Kavenag
VAR yordamchisi: Li Bits
Taxminiy tarkiblar
MYU - De Xea, Van-Bissaka, Maguayr, Lindelyof, Shou, Matich, Pogba, Fernandesh, Jeyms, Grinvud, Marsyal
Lids - Mesliyer, Ayling, Strujik, Kuper, Dallas, Rafinya, Rodrigo, Kox, Klix, Harrison, Bemford
Yo‘qotishlar
MYU - Markus Reshford, Aleks Telles (jarohat), Edinson Kavani, Rafael Varan, Din Henderson, Fil Jons (formada emas), Jessi Lingard (boshqa sabab), Amad Diallo, Erik Bayi (xalqaro ishtirokdan keyin ta’tilda)
Lids - Diyego Lyorente, Junior Firpo, Jeymi Sheklton (jarohat so‘roq ostida)
Raqamlar
"Manchester Yunayted" Premyer-Liga doirasidagi oxirgi 32 uchrashuvning 29 tasida mag‘lub bo‘lmagan.
«Lids» APLning so‘nggi 4 o‘yinida faqat g‘alaba qozongan.
«Lids» oxirgi 4 APL uchrashuvida kamida ikkitadan gol urgan.
Eslatib o‘tamiz, APL yangi mavsumining birinchi turidan o‘rin olgan "Manchester Yunayted" va «Lids» klublari o‘rtasidagi bahs 14 avgust kuni Toshkent vaqti bilan 16:30 da boshlanadi.
