Англия чемпионати 1-турида азалий рақиблар - МЮ ва «Лидс» клублари ўзаро тўқнашишади.

Мазкур баҳс ҳақида қизиқарли маълумотлар билан таништириб ўтамиз.

Биласизми?

"Манчестер Юнайтед" ва "Лидс Юнайтед" Англия чемпионати биринчи ўйинида 1970/71 йилги мавсумдан бери илк бор тўқнаш келишмоқда. 49 йил олдин "Олд Траффорд"да ўтган баҳсда «Лидс» 1:0 ҳисобида ғалаба қозонган эди.

МЮ охирги 5 мавсумда АПЛнинг биринчи учрашувларида ўз футболчилари ҳисобни очишга муваффақ бўлишган - Златан Ибраҳимович (2016/17), Ромелу Лукаку (2017/18), Люк Шоу (2018/19), Даниел Жэймс (2019/20) ва Донни ван де Бек (2020/21).

«Лидс» 2001 йилдан бери илк марта лигада кетма-кет 5-ўйинда ғалаба қозониши мумкин. Жамоа ўтган мавсумни қаторасига 4 ғалаба билан якунлаган эди.

«Лидс» 1981 йил февраль ойидан бери "Олд Траффорд"да бўлган "Манчестер Юнайтед"га қарши 16 учрашувда ғалабасиз серия қайд этиб келмоқда - 6 дуранг, 10 мағлубият. Улар бошқа стадионларга (13) қараганда айнан "Олд Траффорд"да ғалабасиз энг кўп АПЛ ўйинларини ўтказишган.

Баҳс расмийлари

Бош ҳакам: Пол Тирни

Қанот ҳакамлари: Константин Ҳатзидакис, Нил Дейвис

Захира ҳаками: Энтони Тейлор

ВАР: Крис Кавенаг

ВАР ёрдамчиси: Ли Битс

Тахминий таркиблар

МЮ - Де Хеа, Ван-Биссака, Магуайр, Линделёф, Шоу, Матич, Погба, Фернандеш, Жэймс, Гринвуд, Марсьял

Лидс - Меслиер, Айлинг, Стружик, Купер, Даллас, Рафиня, Родриго, Кох, Клих, Ҳаррисон, Бэмфорд

Йўқотишлар

МЮ - Маркус Рэшфорд, Алекс Теллес (жароҳат), Эдинсон Кавани, Рафаэл Варан, Дин Ҳендерсон, Фил Жонс (формада эмас), Жесси Лингард (бошқа сабаб), Амад Диалло, Эрик Байи (халқаро иштирокдан кейин таътилда)

Лидс - Диего Льоренте, Жуниор Фирпо, Жейми Шеклтон (жароҳат сўроқ остида)

Рақамлар

"Манчестер Юнайтед" Премьер-Лига доирасидаги охирги 32 учрашувнинг 29 тасида мағлуб бўлмаган.

«Лидс» АПЛнинг сўнгги 4 ўйинида фақат ғалаба қозонган.

«Лидс» охирги 4 АПЛ учрашувида камида иккитадан гол урган.

Эслатиб ўтамиз, АПЛ янги мавсумининг биринчи туридан ўрин олган "Манчестер Юнайтед" ва «Лидс» клублари ўртасидаги баҳс 14 август куни Тошкент вақти билан 16:30 да бошланади.