«MYU» sardori Harri Maguayr Jeydon Sancho haqida fikr bildirib o‘tdi. U «Express» nashri bilan suhbatda shunday deydi:
«O‘ylashimcha, u bilan jamoamiz bir necha yildan buyon qiziqayotgan edi. Uning xaridi xuddi meniki kabi amalga oshdi. Dastlab, o‘xshamadi, keyin esa biz buni uddalay oldik. Men uning harakatlaridan doimo hayratda qolganman. Chunki u maydonda o‘zgacha ishonch bilan to‘p suradi. U kelajakda katta yulduz bo‘lishga qodir deb o‘ylayman. Sancho bizga g‘alabalar olib kelishiga ishonaman. Oldimizda uzoq mavsum kutib turibdi va bunda omadimiz keladi degan umiddaman».
Eslatib o‘tamiz, «MYU» mavsumning ilk bahsini o‘z uyida eski raqibi «Lids»ga qarshi o‘tkazadi.
