«МЮ» сардори Ҳарри Магуайр Жейдон Санчо ҳақида фикр билдириб ўтди. У «Express» нашри билан суҳбатда шундай дейди:

«Ўйлашимча, у билан жамоамиз бир неча йилдан буён қизиқаётган эди. Унинг хариди худди меники каби амалга ошди. Дастлаб, ўхшамади, кейин эса биз буни уддалай олдик. Мен унинг ҳаракатларидан доимо ҳайратда қолганман. Чунки у майдонда ўзгача ишонч билан тўп суради. У келажакда катта юлдуз бўлишга қодир деб ўйлайман. Санчо бизга ғалабалар олиб келишига ишонаман. Олдимизда узоқ мавсум кутиб турибди ва бунда омадимиз келади деган умиддаман». 

Эслатиб ўтамиз, «МЮ» мавсумнинг илк баҳсини ўз уйида эски рақиби «Лидс»га қарши ўтказади.