Londonning "Chelsi" klubiga yangi kelgan Romelu Lukaku afsonaviy Didye Drogba bilan bo‘lgan munosabati haqida gapirib berdi.
"Bizning munosabatlarimiz men uchun juda muhim. Biz har bir necha kunda gaplashamiz. O‘tgan
haftalarda men u bilan juda ko‘p gaplashdim. Mening unga savollarim ko‘p edi. Didye klubda
ko‘pchilikni biladi, shuning uchun meni tayyorladi. Endi futbolchilar va murabbiy bilan tezroq
tanishib, maydonga tushish imkoniyatiga ega bo‘lish kerak", - deya Lukaku so‘zidan iqtibos
keltirdi "ko‘klar "rasmiy sayti.
Belgiyalik futbolchi o‘tgan hafta "Inter"dan 115 million yevro evaziga "Chelsi"ga o‘tgandi. U yetti
yildan so‘ng London klubiga qaytdi.
