"Valensiya" hujumchisi Gonsalo Guedesh "Vulverxempton" futbolchisiga aylanishi mumkin, deb xabar beradi Goal nashri. Ma’lum bo‘lishicha, ingliz klubi allaqachon futbolchi bilan shartnoma shartlarini kelishib olgan.
Endi "bo‘rilar" futbolchining transferi bo‘yicha muzokaralarni boshlash uchun "Valensiya" rahbariyati bilan bog‘lanishadi. Manbaga ko‘ra, "Vulverxempton" portugaliyalik uchun 30 million yevro to‘lashga tayyor.
Eslatib o‘tamiz, Guedesh 2018 yilda "Valensiya" futbolchisiga aylanib, 40 million yevro evaziga "PSJ"dan ko‘chib o‘tgandi. Uning ispan klubi bilan shartnomasi 2023 yilning o‘rtalariga qadar amal qiladi. Avvalroq, u faoliyatini "Zenit"da davom ettirishi mumkinligi haqida xabar berilgandi.