"Валенсия" ҳужумчиси Гонсало Гуэдеш "Вулверхэмптон" футболчисига айланиши мумкин, деб хабар беради Goal нашри. Маълум бўлишича, инглиз клуби аллақачон футболчи билан шартнома шартларини келишиб олган.
Энди "бўрилар" футболчининг трансфери бўйича музокараларни бошлаш учун "Валенсия" раҳбарияти билан боғланишади. Манбага кўра, "Вулверхэмптон" португалиялик учун 30 миллион евро тўлашга тайёр.
Эслатиб ўтамиз, Гуэдеш 2018 йилда "Валенсия" футболчисига айланиб, 40 миллион евро эвазига "ПСЖ"дан кўчиб ўтганди. Унинг испан клуби билан шартномаси 2023 йилнинг ўрталарига қадар амал қилади. Аввалроқ, у фаолиятини "Зенит"да давом эттириши мумкинлиги ҳақида хабар берилганди.