«Manchester Siti» klubi Harri Keynni sotib olish uchun tarkibdagi bir nechta futbolchisidan voz kechishi kerak bo‘ladi. Klub allaqachon rekord qiymatda «Aston Villa»dan Jek Grilishni 100 million funtga xarid qilib ulgurdi.

«Shporlar» esa hujumchisi uchun 160 million funt talab qilmoqda. «Siti» Keyn uchun 120 million atrofida to‘lov qilishni rejalashtirgan, ammo bu ham oson bo‘lmasligi aniq. Negaki, klub tarkib futbolchilari xarididan foyda ko‘rmasa buning iloji yo‘q.

Xabarga ko‘ra, Bernardo Silva hamda Emerik Lyaport jamoaning ketishi kerak bo‘lgan futbolchilar ro‘yxatida dastlabki o‘rinlarda turibdi. Silvaga «Atletiko» hamda «Barselona» qiziqayotgan bo‘lsa, Lyaport uchun «Yuventus» eng asosiy da’vogar sanaladi.