«Манчестер Сити» клуби Ҳарри Кейнни сотиб олиш учун таркибдаги бир нечта футболчисидан воз кечиши керак бўлади. Клуб аллақачон рекорд қийматда «Астон Вилла»дан Жек Грилишни 100 миллион фунтга харид қилиб улгурди.
«Шпорлар» эса ҳужумчиси учун 160 миллион фунт талаб қилмоқда. «Сити» Кейн учун 120 миллион атрофида тўлов қилишни режалаштирган, аммо бу ҳам осон бўлмаслиги аниқ. Негаки, клуб таркиб футболчилари харидидан фойда кўрмаса бунинг иложи йўқ.
Хабарга кўра, Бернардо Силва ҳамда Эмерик Ляпорт жамоанинг кетиши керак бўлган футболчилар рўйхатида дастлабки ўринларда турибди. Силвага «Атлетико» ҳамда «Барселона» қизиқаётган бўлса, Ляпорт учун «Ювентус» энг асосий даъвогар саналади.
