"Chelsi"ning yangi futbolchisi Romelu Lukaku keyingi o‘yinda maydonga tushishga tayyorligini tan oldi. 28 yoshli belgiyalik shu yozda London klubiga qaytdi, ammo rasmiy uchrashuvlarda hozircha ishtirok etmadi.
"Men mavsum oldidan mashg‘ulot o‘tkazdim va o‘zimni juda yaxshi his qilyapman. Yigitlarga qo‘shilib, mashg‘ulotga kirishish juda yoqimli edi. Endi men faqat barcha jamoadoshlarim bilan yaqindan tanishmoqchiman va yakunda menga bosh murabbiy imkon bersa, yakshanba kungi uchrashuvga tayyor bo‘laman", - deya Lukaku klubi matbuot xizmati so‘zlarini keltiradi.
22-avgust, yakshanba kuni "Chelsi" Angliya chempionatining 2-turida "Arsenal" bilan kuch
sinashadi. Uchrashuv Toshkent vaqti bilan 20:30da boshlanadi.
