"Челси"нинг янги футболчиси Ромелу Лукаку кейинги ўйинда майдонга тушишга тайёрлигини тан олди. 28 ёшли бельгиялик шу ёзда Лондон клубига қайтди, аммо расмий учрашувларда ҳозирча иштирок этмади.
"Мен мавсум олдидан машғулот ўтказдим ва ўзимни жуда яхши ҳис қиляпман. Йигитларга қўшилиб, машғулотга киришиш жуда ёқимли эди. Энди мен фақат барча жамоадошларим билан яқиндан танишмоқчиман ва якунда менга бош мураббий имкон берса, якшанба кунги учрашувга тайёр бўламан", - дея Лукаку клуби матбуот хизмати сўзларини келтиради.
22-август, якшанба куни "Челси" Англия чемпионатининг 2-турида "Арсенал" билан куч
синашади. Учрашув Тошкент вақти билан 20:30да бошланади.
