Angliyaning «Brayton» klubi «Benfika» hujumchisi Darvin Nunezni tarkibiga qo‘shib olmoqchi. «Daily Mail» nashri xabariga ko‘ra, bosh murabbiy Graham Potter yoz tugashi arafasida jamoasi hujum chizig‘ini kuchaytirib olishni istaydi.

Xabarda aytilishicha, urugvaylik futbolchi uchun 25 million funt sarflanishi mumkin. Bu «chag‘alaylar» tarixidagi rekord qiymatli transfer bo‘ladi. 

Nunez o‘tgan mavsum Portugaliya chempionatida  14 ta gol hamda 12 ta golli uzatmaga mualliflik qilgan. Shuningdek, 22 yoshli hujumchi Uruguay terma jamoasi tarkibida 4 ta o‘yin o‘tkazib, 2 ta gol urishga muvaffaq bo‘lgan.