Англиянинг «Брайтон» клуби «Бенфика» ҳужумчиси Дарвин Нунезни таркибига қўшиб олмоқчи. «Daily Mail» нашри хабарига кўра, бош мураббий Граҳам Поттер ёз тугаши арафасида жамоаси ҳужум чизиғини кучайтириб олишни истайди.
Хабарда айтилишича, уругвайлик футболчи учун 25 миллион фунт сарфланиши мумкин. Бу «чағалайлар» тарихидаги рекорд қийматли трансфер бўлади.
Нунез ўтган мавсум Португалия чемпионатида 14 та гол ҳамда 12 та голли узатмага муаллифлик қилган. Шунингдек, 22 ёшли ҳужумчи Уругуай терма жамоаси таркибида 4 та ўйин ўтказиб, 2 та гол уришга муваффақ бўлган.
